17-июнга карата коронавирус инфекциясынан дагы бир бейтап каза болду. Бул тууралуу Саламаттык сактоо министринин орун басары Нурболот Үсөнбаев билдирди.
Анын айтымында, бейтап 11-июнда Бишкектен Жалал-Абадга тажияга барган. Маркум Бишкекте жүргөндө эле оорунун белгилери байкалып, өз алдынча дарыланып, антибиотиктерди колдонгону белгилүү болду.
«12-июнда абалы начарлап, Жалал-Абад облустук ооруканасына кайрылып, 16-июнда кайтыш болду. Дарыгерлер тарабынан болгон аракеттер жасалганына карабай, кайтыш болду», — деди Үсөнбаев.
Азыркы күндө Республика боюнча коронавирус илдетинен 30 бейтап каза болду.