Бишкек.27.08.2019.Govori.TV.
«Узбекистон темир йуллари» акционердик коому шахтерлордун иш таштоосуна эмне себеп болгонун иликтеп, анын натыйжасында жооптуу тогуз кызматкерди иштен алуу чечимин кабыл алды.
Компания маалымдагандай, учурда атайын топ «Шаргунькумир» ишканасындагы социалдык-экономикалык абалды иликтөөнү улантууда.
«Узбекистон темир йуллари» «Шаргунькумир» ишканасында орточо айлык акы 2, 343 миллион сумду (250 доллардын тегереги) түзөрүн билдирди. Компанияда 596 киши эмгектенет.
14-15-августта Сурхандарыя облусундагы «Шаргунькумир» көмүр ишканасында 200дөй шахтер иш таштап, каршылык акциясына чыккан. Алар эмгек шартынын татаалдыгына жана маянанын аздыгына арызданышкан.
2018-жылы 8-ноябрда президент Шавкат Мирзиёевдин буйругунун негизинде «Узбеккумир» жана «Шаргунькумир» ишканалары «Узбекистон темир йуллари» акционердик коомуна кошулган.
