Бүгүн, 11-сентябрда, Жогорку Кеңеш билим берүү жана илим министри кызматына Ош мамлекеттик университетинин ректору Каныбек Исаковдун талапкерлигин карап, жактырды.
Ал эми депутат Алтынбек Сулайманов,»Латын алфавитине өтсөк кандай болот? Сиздин пикириңиз кандай?», — деди.
Өз кезегинде Исаков латын алфавитине өтүү боюнча чоң талкуулар болуп жатканын, өзгөчө түрк тилдүү элдерди бири-бирине жакындатуу боюнча аракеттер бар экенин белгиледи.
«Эгерде мамлекеттин мүмкүнчүлүгү болсо, латын алфавитине өтүүнү колдойм», — деди Исаков.