Бишкек.04.06.2019.Govori.TV.
«Республика» партиясынын мурдагы лидери, экс-депутат Өмүрбек Бабанов Кыргызстандыктарды Орозо айт майрамы менен куттуктады. Ал куттуктоосун фейсбуктагы расмий баракчасына жарыялаган.
Ал баракчасына видео жүктөп, аны «Кымбаттуу Кыргызстандыктарым! Орозо айт майрамыбыз кут болсун!»,-деген кыскача билдирүү менен коштогон, бирок, «Жакында көрүшкөнчө» деп жазган эмес.
Эске салсак, Бабанов 2017-жылдын октябрь айындагы президенттик шайлоодон кийин дарылануу үчүн өлкөдөн чыгып кеткен боюнча кайтып келе элек. Ал чет өлкөдө жүргөн кезде ага карата 2 кылмыш иши козголгон.
УКМК буга чейин саясатчыга козголгон иштердин бири токтоп турса, экинчиси боюнча тергөө жүрүп жатканын кабарлаган
Ал эми Бабанов үстүбүздөгү жылдын 13-апрелде Кыргызстанга учуп келээрин жар салып, бирок кайтып келген эмес