Жалал-Абад облусу. Токтогул району. Такталган маалымат боюнча, Бишкек-Ош унаа жолунун 299-чакырымында (Торкент айылына жакын) «Степ Вагон» (мам.№ 01kg704 AAS) жана «Хендай Гетц»(мам.№ D9694E) унаалары кагылышып, натыйжада 3 адам жаракат алып, 7 адам каза болгон. Бул туурасында ӨКМнын басма сөз кызматы билдирди.
Белгилей кетсек, Жабыркаган 3 адам Токтогул райондук ооруканасына жеткирилген. Каза болгон 7 адам Токтогул райондук ооруканасынын өлүк сактоочу жайына жеткирилген. ИИМ кызматкерлери тарабынан жол кырсыгынын келип чыгуу себеби жана каза болгон жарандардын өздүктөрүн тактоо иштери жүргүзүлүүдө.
