Жалал-Абаддагы мейманкананын жанындагы жапырт мушташтан кийин 4 жаран кармалды. Бул тууралуу облустук милициядан кабаралашты.
Маалыматта айтылгандай, 10-ноябрда саат 3:40тар чамасында мейманкананын жанында мушташ болуп жатканы боюнча маалымат түшкөн.
«Жерине барган милиция кызматкерлери бул боюнча далилдерди алып, Кылмыш кодексинин 280-беренеси менен («Бейбаштык») иш козгоду. Шектүү катары 21 жаштагы И. С., 20 жаштагы Т. Э. жана З. Р., 19 жаштагы К. Б. кармалган», — деп жазылат маалыматта.
Кошумчалангандай, соттук-медициналык экспертизалар дайындалып, тергөө уланууда.