Бишкек.28.08.2019.Govori.TV.
Уулун акыркы сапарга узатып, топурак салуу үчүн барган Садыр Жапаров Чүйдүн Аламүдүн районундагы Молдовановка айылындагы колонияга бүгүн, 28-августта, кечинде кайтып келет. Бул тууралуу анын жактоочусу Шарабидин Токтосунов билдирди.
Садыр Жапаровдун улуу баласы Дастан Садыр уулу 22-августта жол кырсыгына кабылып, 26-августта өзүнө келбей ооруканада көз жумган. Анын сөөгү бүгүн Ысык-Көлдүн Түп районундагы Кең-Суу айылына коюлду.
Жаза аткаруу мамлекеттик кызматы Жапаровго 27-августта уулунун тажыясына барып келүүгө уруксат берген эле.
