Өкмөт башчынын милдетин аткарып жаткан Садыр Жапаров өкмөт үйүнүн алдына чогулган элге чыгып сөз сүйлөдү. Ал президент Жээнбеков арыз жазып кетүүгө даяр экенин айтты.
«Сооронбай Жээнбеков бир депутат аркылуу айттырыптыр, арызымды жазып, тынч эле кетип калайын дептир. Мен макул болдум. Тынчтык жолу, тез жолу ушул болот. Өлкөнү стабилдүүлүккө салып кеткенге ушул гана тез жол», — деди ал.