УКМКнын кызматкерлери кылмыштуу казынаны толтуруу үчүн жасалма доллар саткан уюшкан кылмыштуу топтун мүчөлөрүн кармады. Бул тууралуу УКМКнын басма сөз кызматынан билдиришти.
Маалыматка ылайык, 24-июлда УКМКнын кызматкерлери тарабынан уюшкан кылмыштуу топтун 3 мүчөсү: С.С., М.А. жана М.У. кармалып, алар жашаган үйлөргө тинтүү жүргүзүлгөн. Анын натыйжасында жасалма 6800 АКШ доллары табылган.
Кармалгандардын бири буга чейин Кыргыз Республикасынын Кылмыш-жаза кодексинин 202-беренеси (каракчылык) боюнча сот жообуна тартылып, №26 жатак абагында жаза өтөгөн.
Кармалгандар убактылуу камакка алынып, тергөө уланууда.