Равшан Жээнбековдун тарапташтары Бишкек шаардык сотунун алдына чогулушту. Алар колдоруна «Равшан Жээнбековго азаттык», «жалган жалаанын токтоткула», «репрессияга жол жок» жана башка жазуулар жазылган такталарды көтөрүп чыгышкан.
Эске салсак, бүгүн шаардык сот камактагы саясатчы Равшан Жээнбековдун баш коргоо чарасын өзгөртүү боюнча өтүнүчтү карайт.
Биринчи май райондук соту Равшан Жээнбековду 9-февралга чейин камакка алууга чечим чыгарган. Жээнбеков 12-декабрда Ички иштер министрлиги тарабынан кармалган.
