Министрлер кабинетинин төрагасы — Акылбек Жапаровдун катышуусунда Ысык-Көл облусунун Жети-Өгүз районуна караштуу Барскоон айылында жаңы бала бакча ачылды. Бул тууралуу өкмөттүн маалымат кызматы билдирди.
Маалыматка караганда, заманбап бардык шарттары менен салынган бала бакча 2 кабаттан турат жана ал 100 балага ылайыкташкан. Ошондой эле мында жергиликтүү 19 адам жумуш менен камсыз болот.
Ачылуу аземине катышкан Жапаров балдардын адам болуп тарбиялануусуна бала бакчалардын артыкчылыктарына токтолду.
“Балдардын жалпы билим берүү мектептерине барганга чейин бала бакчалар — билим берет жана өнүктүрөт, бала социалдашат, коомго аралашуусуна түрткү болот, балдар өз алдынчалыкка жана жоопкерчиликке үйрөнүшөт, бул ата-энелер үчүн дагы жакшы. Ошол себептүү мамлекет балдарга болгон камкордукту бала бакчалардан баштайт”, — деди ал.
Белгилей кетсек, 10 миңге жакын жашоочусу бар Барскоон айылында буга чейин 1 бала бакча болгон. Жаңыдан курулган бул имарат эми бала бакча жетишсиздигин жоет.
Өзбекстанда мамлекеттик-жеке өнөктөштүктүн негизинде түзүлгөн миңден ашуун жеке бала бакчалар жакынкы күндөрү жабылып калуу коркунучу …
Дүйнөлүк банктын каржылык колдоосу менен Кыргызстанда кыска мөөнөттүү 500 бала бакча уюштурулуп жатат. Анын ичинен …
Улуттук тарых музейинде “Кыргыз модасына таазим” көргөзмөсү ачылды. Бул тууралуу Маданият, маалымат, спорт жана жаштар …
