Конституциялык мыйзам, мамлекеттик түзүлүш, соттук-укуктук маселелер жана Жогорку Кеңештин регламенти боюнча комитети Акыйкатчы кызматына Атыр Абдрахматованын талапкерлигин карады.
Абдрахматованы «Ишеним», «Бүтүн Кыргызстан», «Ынтымак» жана «Ата-Журт Кыргызстан» парламенттик фракциялары көрсөткөн.
Талкуунун жыйынтыгында, комитет акыйкатчы кызматына анын талапкерлигин Жогорку Кеңештин кароосуна жөнөтүү чечимин кабыл алды.