Бүгүн, 29-июндагы Жогорку Кеңештин жыйынында «Кыргыз Республикасынын прокуратурасы жөнүндө» Кыргыз Республикасынын конституциялык мыйзамына өзгөртүүлөрдү киргизүү тууралуу» конституциялык мыйзам долбоору каралды.
Демилгечи – Кыргыз Республикасынын Президенти.
Мыйзам долбоору прокурордук көзөмөлдүн чегинен чыккан, анын ичинде Кыргыз Республикасынын Конституциясынын айрым ченемдерине карама-каршы келген прокуратура органдарынын ыйгарым укуктарын алып салуу максатында даярдалган. Тагыраагы, тергөө жүргүзүү боюнча прокуратура органдарынын функцияларын алып салууга багытталган.
Талкууда депутат Элмурза Сатыбалдиев сот адилеттүүлүктүн башаты тергөөдөн башталарын айтып, президент ишеним берип жаткан сон, тергөөнү талашып-тартышпай калыс алып барууга чакырды. Депутат Гуля Кожокулова прокуратура органы тарабынан токтотулган кылмыш иштеринин мындан кийинки абалына кызыгып, анын санын тактады. Депутат Сүйүнбек Өмүрзаков прокуратурадан тергөөнүн алынышы менен башка органдардагы тергөөчүлөрдүн жумушу көбөйөрүн айтып, штаттык бирдиктерди көбөйтүү сунушун берди.
Жыйынтыгында депутаттар мыйзам долбоорун үчүнчү окууда колдоого алышты.
Мындан сырткары депутаттар Кыргыз Республикасынын президенти тарабынан демилгеленген “Кыргыз Республикасынын Кылмыш-жаза процессуалдык кодексине өзгөртүүлөрдү киргизүү жөнүндөгү” мыйзам долбоорун да үчүнчү окууда колдоп беришти.
Ошондой эле «Элдик Курултай жөнүндө» конституциялык мыйзам долбоору да үчүнчү окууда жактырылды.
Мыйзам долбоору тууралуу Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин Регламенти боюнча комитеттин төрайымы Чолпон Султанбекова маалымат берди.
Конституциялык мыйзам долбоору Кыргыз Республикасынын Конституциясынын 7-беренесинин 2-бөлүгүн ишке ашырууга багытталган.
ИИМдин Кылмыш иликтөө башкы башкармалыгынын кызматкерлери тарабынан мындан 9 жыл мурун жасалган өзгөчө оор кылмыштын бети …
34 жаштагы Рахима Айкымбаева 4-апрелге караган түнү бир нече жеринен бычакталганы маалым болду. Кылмышка шек …
Кочкор-Атадагы окуяга байланыштуу кызматтык иликтөө жүрүп, жыйынтыгында министрликтин буйругу чыккан. Анын негизинде Жалал-Абад облустук ички …
Жогорку Кеңеш Министрлер кабинетинин төрагасы демилгелеген «Жергиликтүү өз алдынча башкаруу чөйрөсүндөгү айрым мыйзам актыларына өзгөртүүлөрдү …
2023-жылы милиция кызматкерлерине жашыруу боюнча 11 кылмыш иши козголгон. Бул тууралуу башкы прокурор Курманкул Зулушев …
Үй-бүлөдөгү зордук-зомбулук жана жашы жете элек балдарга карата кылмыштар актуалдуу бойдон калууда. Бул тууралуу бүгүн, …
