Бүгүн, 14-майдагы Жогорку Кеңештин жыйынында депутаттар Жогорку соттун Конституциялык палатасынын судьялары Чынара Айдарбекова, Чолпон Осмонова менен Айсалкын Нарынбекованы кызматынан бошотуу маселесин карады.
Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин Регламенти боюнча комитетинин төрагасы, депутат Канат Керезбеков аталган үч судьяны кызматынан бошотуу тууралуу чечим Судьялар кеңеши тарабынан кабыл алынганын кабарлады.