Бүгүн, 11-октябрда Кундуз Жолдубаева кайрадан сурак берип чыкты. Бул тууралуу ал SUPER.KG порталына билдирген.
Анын айтымында, кайсы учур болбосун аны кайра суракка чакырып калышы мүмкүн.
Жаңы эле сурактан чыктым. Кой-Таш окуясы тууралуу сурашты. Макам өзгөртүлгөн жок. Кайсы убакыт болбосун суракка кайра чакырып калышыбыз мүмкүн дешти. Так убактысы айтылган жок. Сурак 2 жарым саатка созулду. Эртең менен саат 10:30да сурак башталса, 12:30 чамасында чыктык, — деди Жолдубаева.