Жумгал районунун Байзак айылында бодо малдар өлүп жатат. Бул маалыматты райондук ветеринардык жана фитосанитардык коопсуздук боюнча мамлекеттик инспекциясынын башчысы Эрмек Сапарбек уулу тастыктады.
Маалым болгондой, 14-ноябрда райондун Байзак айылынын Орто-Кууганды аймагында жашаган Эркинбектин уюнан кутурма оорусу боюнча шектүү белгилер байкалган. Ал изоляцияга алынып, кароо жүргүзүлүп турган. Ошондой эле ветеринардык адистерге тапшырма берилип, аймакта текшерүү болгон.
15-ноябрь күнү ошол эле аймактагы тургундар Алмазбек, Кубан, Майрамбекке таандык уйлар шек жаратып, алар да камакка алынган. 16-ноябрь күнү Байзак айылынын Кайкалак участкасында айыл тургуну Касымга таандык уйдан шектүү белгилер байкалып, изоляцияга алынган. 17-ноябрда айыл тургуну Кубан, Майрамбектин уйлары кутурма ылаңынын белгилери менен өлүмгө учураган. Ал эми Эркинбектин ую ветеринардык эрежеге ылайык өлтүрүлүп, башы кесилип алынып, Бишкек шаарында жайгашкан борбордук ветеринардык лабораторияга изилдөөгө жөнөтүлдү. Кутурма оорусуна шектелген уйлар ветеринардык эрежеге ылайык өлтүрүлүп жок кылынган.
«Азыркы учурда ветеринардык адистер тарабынан эл арасында түшүндүрүү иштери жүргүзүлүп, башка айылдардагы бардык мал-жандыктар, ит, мышыктар текшерүүгө алынып, оорунун себептери аныкталууда. Ошондой эле вакциналар жеткирилип, шектүү аймактардагы мал-жандыктарга эмдөө иштери жүргүзүлүүдө. Байзак айылында эле эмес, райондун бардык айыл аймактарында багуу эрежеси сакталбаган ит, мышыктарды жана карышкыр, түлкүлөрдү аттыруу иштерин жүргүзүү зарыл. Байзак айылында карантин жарыяланып, мал-жандыктар көзөмөлдө турат. Изилдөөнүн жыйынтыгы чыгып келгичекти ылаңды так атоо азыр эрте», — деди Э.Сапарбек уулу.
Ал эми кээ бир айыл тургундары уйлар кан сийип өлүп жатканын айтышты. Эрмек Сапарбек уулу бул боюнча маалымат түшпөгөнүн айтат.
«Уйлар кан сийип өлгөн эмес. Бизге андай маалымат түшкөн жок. Болгону шилекейи агып, чөп жебей, мөөрөп жатканда биз ылаңдын болжолдуу белгилерин аныктадык», — деди ал.
Казакстандан Кыргызстанга 50 баш бодо малды мыйзамсыз алып өтүү аракетине бөгөт коюлду. Бул тууралуу Улуттук …
Коңшу мамлекеттен Кыргызстанга мыйзамсыз бодо мал алып келүү фактысы аныкталды, деп билдирет КР УКМКнын басма …
Бүгүн Нарын облусунун Жумгал районунун Чаек айылында КР УКМКнын Нарын облусу боюнча башкармалыгынын Жумгал райондук …
Үстүбүздөгү жылдын 30-январынан 3-февралына чейин Бишкектеги бир катар медициналык мекемелерде онкологиялык ооруларга акысыз текшерүү жүрөт. Ден …
Жумгал райондук сотунун судьясына кылмыш иши козголду. Бул тууралуу Улуттук коопсуздук мамлекеттик комитетинен билдиришти. Маалыматка …
Жумгалда 2 жашар бала сууга түшүп кетип, каза болду. Өзгөчө кырдаалдар министрлигинин басма сөз кызматынын …
