Коомдук телерадио корпорациясынын (КТРК) журналистти Нурзат Ниязова каза болду. Бул тууралуу телеканалдын расмий сайтына жарыяланды.
Маалыматка ылайык, 39 жаштагы Ниязова узакка созулган оорудан улам каза болгон.
«Биз чогуу иштеген кесиптешибизди гана эмес, өз ишин мыкты билген профессионал, чыныгы инсандык сапаттарга ээ болгон мыкты адамды жоготтук. Нурзат Ниязованын жаркын элеси, мыкты адамдык сапаттары жана кылган эмгеги жүрөгүбүздө түбөлүккө сакталат! Дүйнөдөн мезгилсиз кайткан Нурзат Ниязованын үй-бүлөсүнө жана жакындарына КТРК жетекчилиги жана эмгек жамааты терең кайгыруу менен көңүл айтат”, – деп айтылат маалыматта.
Нурзат Ниязова 1981-жылы 12-ноябрда Бишкек шаарында жарык дүйнөгө келген. 1999-жылы И.Арабаев атындагы мамлекеттик университетинин англис тили филологиясы бөлүмүн аяктаган.
2006-жылы Корпорациянын курамындагы республикалык радиотеле борборго ишке алынып, КТРКнын расмий сайтынын калыптаныш мезгилинен тартып эмгектенген.
2015-жылдан тартып, Нурзат Ниязова КТРКнын расмий сайтын колдоо бөлүмүндө жетекчилик кызматында иштеп келген. Расмий сайттын калыптанышына жана өнүгүшүнө чоң салымын кошуп, сайттын медиа тармагына чыгышына көп эмгек жумшаган. Артында эки баласы калды.
Govori.TVнын эмгек жамааты Ниязованын үй-бүлөсүнө жана жакындарына терең кайгыруу менен көңүл айтат.
Казакстандын Жамбыл облусунда айылдык мектептин окуучусу ур-токмоктон каза болду. Бул окуя тууралуу журналист Данияр Алимкул …
Баткен районунда 16 жаштагы кыз бычак жеп каза болду. Маалыматты Баткен ОИИБдин басма сөз кызматы …
3 баланын энеси, 33 жаштагы келин мурдагы күйөөсүнүн колунан каза тапты. Бул тууралуу «Балдар укугун …
Орусиялык басылмалар 18-март күнү кечинде «Урал аба жолдору» компаниясынын Москва-Куляб багытында бараткан учагында жүргүнчү өзүн …
Көрүнүктүү опера ырчысы, Кыргыз Республикасынын эл артисти Талгарбек Жакшылыков дүйнө салды. Бул тууралуу Маданият, маалымат, спорт …
«Азия MIX» командасынын мурдагы мүчөсү Марат Жуманалиев каза болду. Бул тууралуу анын жакындары билдирген. Алдын ала маалыматтар …
