Журналист Олжобай Шакирди суракка алуу үчүн УКМКга алып кетишти. Бул тууралуу «Кылым шамы» укук коргоо борборунун жетекчиси Гүлшайыр Абдирасулова билдирди.
Журналистти суракка чакыруунун чоо-жайы айтылган жок.
Олжобай Шакир жети сааттан бери дайынсыз болуп жатканын жубайы Назгүл Бодбаева билдирген. Анын айтымында, Олжобай Шакир 23-августта түшкө маал үйүндө жалгыз болгонун, ошондон бери дайыны билинбей жаткан.
Олжобай Шакирдин кармалганы тууралуу атайын кызмат комментарий бере элек.