Бүгүн, 3-ноябрда Бишкектин Биринчи май райондук сотунда журналист, жарандык активист Семетей Талас уулунун баш коргоо чарасы каралды.
Соттун чечими менен Талас уулу тергөө мөөнөтү бүткөнгө чейин үй камагына алынды.
Сот залына алынып келинген Талас уулу журналисттердин суроосуна жооп берип, ал 2021-жылы Фейсбук баракчасынан Ооганстан тууралуу материалды бөлүшкөнүн айткан.
Ички иштер министрлиги (ИИМ) журналист Семетей Талас уулунун кармалышына байланыштуу тараткан маалыматка ылайык, журналистке буга чейин Кылмыш-жаза кодексинин 322-беренесинин 1-бөлүгү (экстремисттик материалдарды даярдоо, таратуу) менен кылмыш иши козголгон. Бул факт Улуттук коопсуздук комитетинде катталган.
Комплекстүү соттук-лингвистикалык экспертиза дайындалган. Анда социалдык тармактын колдонуучусунун билдирүүсүндө Кыргызстанда тыюу салынган «Хизб ут-Тахрир» экстремисттик уюмуна таандык маалымат камтылган» деген корутунду чыгарылган. Семетей Талас уулу Бишкек шаардык милициясынын тергөө абагына киргизилди, ишти иликтөө уланууда.
Журналист жыл башында УКМКга Кылмыш-жаза кодексинин “Экстремисттик материалдарды таратуу” деген беренесинин негизинде козголгон кылмыш ишинин алкагында сурак берген. Сурактан чыккандан кийин «чоң иликтөө жүрүп жаткан ишке байланыштуу күбө катары чакырылганын» айткан.
Ал буга чейин социалдык тармактарда Кемпир-Абад маселеси, камалгандар тууралуу пикирин байма-бай билдирип келген.
15-февралда Жалал-Абад шаардык соту блогер Али Эргешевди 13-мартка чейин үй камагына чыгарып, сот залынан бошотту. Бул …
ЖКнын жыйынында депутат Камила Талиева 3 жашар кыздын өлүмүнө айыпталып кармалган анестезиологдун үй камагына чыкканын …
Бишкектин башкы архитектору Урмат Карыбаевдин бөгөт чарасы өзгөрүп үй камагына чыкты. Бул тууралуу Биринчи Май …
Бүгүн, 18-апрелде Бишкектин Биринчи май райондук соту журналист Семетей Талас уулуна өкүм чыгарды. Сот Талас …
Борбордук шайлоо комиссиясынын (БШК) мурдагы мүчөсү, «Кемпир-Абад иши» боюнча камакта отурган Гүлнара Журабаева үй камагына …
Кемпир-Абад иши боюнча камакка алынган активист Улукбек Маматаев үй камагына чыгарылды. Мындай чечимди бүгүн, 12-апрелде …
