• Шаршемби 21 Чын куран 2021

49 млн сомдон ашык зыян келтирилген. Жол чарбалык департаментинде коррупциялык схема аныкталды

9 апреля 2021 в 13:44 Бишкек Govori.TV

Транспорт министрлигинин алдындагы Жол чарбалык департаментинде түзүлгөн туруктуу коррупциялык схема аныкталды. Бул тууралуу бүгүн, 9-апрелде УКМКнын басма сөз кызматынан билдиришти.

Такталгандай, 2019-жылы департамент жол тейлөө мекемелерин унаа жолдорун куруу жана оңдоо үчүн керектүү заттар менен камсыз кылууга, тендердик жол-жоболор аркылуу «жол битуму» майын өндүргөн продукцияны сатып алган. Бирок, башкармалыктын жооптуу кызмат адамдары, аларга баш ийген жол тейлөө мекемелеринин жетекчилиги менен алдын ала макулдашышып, материалдык артыкчылыктарды өндүрүү максатында, сатылып алынган чийки заттын олуттуу бөлүгүн кызыкдар болгон жеке компанияларга сатышкан, ошол эле учурда, берилген маалыматта сарпталган чийки заттын көлөмүн жана баасын атайылап ашыкча көрсөтүшкөн.

“Аталган коррупциялык схеманын натыйжасында Департаменттин кызмат адамдары тарабынан мамлекетке 49 миллион сомдон ашык суммадагы зыян келтирилген. 2021-жылдын 8-апрелинде Кыргыз Республикасынын Кылмыш-жаза кодексинин 319-беренесинин 2-бөлүмү (Коррупция) фактысы боюнча кылмышка шектүү делип Чүй облусунун унаа жолдорунун аймактык башкармалыгынын башкы инженери «А.Р.А.» кармалып, УКМКнын тергөө камак жайына киргизилди”,-деп айтылат маалыматта.

Тергөө жүрүп жатат.

Количество просмотров: 93