Бишкек шаарындагы үйлөрдүн биринде кароолчу болуп иштеген 60 жаштагы эркекти мыкаачылык менен сабады деп шектелип жаткан адам милицияда иштеши мүмкүн. Бул тууралуу маалымат социалдык түйүндөрдө жарык көрдү.
Буга чейин улгайып калган күзөтчүнү белгисиз эркек сабап кеткендиги тууралуу маалымат тараган. Анда мас абалдагы топтошкон балдар Айтматов жана Масалиев көчөлөрүнүн кесилишиндеги үйдүн алдына туруп ызы-чуу салган. Бир маалда алардын бири токтоп турган автоунаалардын жанына заара ушата баштайт. Ошол учурда күзөтчү ага эскертүү берип, катуу сабалат. Окуя видео көзөмөлгө түшүп калган.
Жабырлануучу эртеси күнү башы ооруп чыдатпай калганда ооруканага кайрылып, медиктер милиция чакыртышкан. Аталган факт КРдин Кылмыш кодексинин 266-беренесинин («Ээнбаштык») негизинде Кылмыш жана жоруктардын бирдиктүү реестрине каттоого алынды.
Милиция кароолчуга кол көтөргөн киши Land Cruiser 100 үлгүсүндөгү автоунаа менен качып кеткенин аныктаган.
Ленин райондук милициясынын Криминалдык милиция кызматы шектүүнүн аты-жөнүн тактады. Ал 28 жаштагы Мирмухамбет Ишембеков болуп чыкты. Болжолдуу жашаган дарегине барып таппай койгон укук коргоо кызматкерлери шектүүгө издөө жарыялады.
Бишкек ШИИБден билдиришкендей, учурда сүрөттөгү адамдын чын эле шектүү же шектүү эместиги, ошондой эле милиция органдарына тиешеси бар-жогу иликтенип жатат.
Булак: Sputnik Кыргызстан
Нарын дарыясына агып кеткен 6 жаштагы бала изделүүдө. Бул тууралуу ӨКМ кабарлады. Таш-Көмүр шаарына караштуу …
Бишкек шаарынын Октябрь районунун прокуратурасы тарабынан айрым милиция кызматкерлери Кыргыз Республикасынын ИИМ Ички иликтөө кызматынын …
Бишкекте милиция кызматкерлери тарабынан бейбаштыкка шектүү жаран кармалды. Бул тууралуу Октябрь райондук милициясынан билдиришти. Маалыматка …
УКМК Мамлекеттик салык кызматынын жана ИИМдин кармалган кызматкерлери боюнча маалымат таратты. Анда айтылгандай, УКМК тарабынан …
Улуттук коопсуздук мамлекеттик комитети уюшкан кылмыштуу топтун мүчөсү катары каттоодо турган чет элдик жаранды кармады. …
Бишкектеги мектептердин биринде 8 жаштагы окуучуну сабаган деп 34 жаштагы киши кармалды. Бул тууралуу Ленин …
