УКМКнын мурдагы төрагасы Абдил Сегизбаевдин милиция кармап кеткен тарапташтары бошотулду. Бул тууралуу Сегизбаевдин катчысы Мээрим Асанова билдирди.
«Нааразычылык акциясына чыккандарды милиция кармап кеткен. Протокол тузүлгөндөн кийин кайра бошотулду»,-деди ал.
Бүгүн Абдил Сегизбаевдин пикетке чыккан тарапташтарын жана жубайы Айнура Сегизбаеваны милиция Ленин райондук ички иштер бөлүмүнө алып кеткен. Алар Сегизбаевди колдоо иретинде 28-январда Токтогул Сатылганов атындагы улуттук филармониянын алдына нааразычылык акциясына чыгышкан.