УКМКнын мурдагы төрагасы Абдил Сегизбаев Ички иштер министрлигинин тергөө кызматына сурак берип чыкты. Маалыматты Govori.TVга ИИМдин басма сөз кызматы тастыктады.
Маалыматка ылайык, Сегизбаев ИИМге 14-август күнү сурак берген.
Буга чейин Абдил Сегизбаев «Жетим-Тоо» кенин иштетүүгө каршы экендигин билдирип, кайрылуу жасаган.
Эске салсак, кечээ, 14-август күнү президент Садыр Жапаров Жетим-Тоонун айланасындагы талаш-талкууга байланыштуу элге кайрылуу жолдоп, ал жердеги кенди колдонууга каршы чыккандарды сындаган. Ал жарандарды «Жетим-Тоону берип атышат деп калп сүйлөбөөгө» чакырган.