Буга чейин, 10-октябрда Жогорку Кеңештин Эл аралык иштер, коргоо, коопсуздук жана миграция боюнча комитети кыргыз-өзбек чек арасы, анын ичинде Кемпир-Абад суу сактагычы боюнча эки тараптуу келишимдин долбоорун колдогон. Комитеттеги алты депутат макулдугун берип, төртөө каршы добуш берген.
Комитеттин төрагасы Чыңгыз Айдарбеков өзү документтерди көрмөйүнчө макулдук бербесин билдирип, комитеттин чечимине кол койгон эмес.
Көп өтпөй 20-октябрда Чыңгыз Айдарбеков Жогорку Кеңештеги Эл аралык иштер, коргонуу, коопсуздук жана миграция боюнча комитеттин төрагалыгынан мыйзамды одоно бузуу менен алынган.
Бул тууралуу эл өкүлү «Govori.TV» га маек берди. Анда Айдарбеков мурда өзү жетектеп келген комитеттин жыйыны тууралуу ошону менен бирге калкка кандай кызмат кылып жаткан мыйзамдары, келечекте пландаган иштери тууралуу кенен айтып берди. Толугу менен бул жактан көрүңүз: