Бишкек.06.06.2019.Govori.TV.
“Айкөл — Ала-Тоо” коомунун лидери жана жарандык активисттердин бири Амантур Жамгырчиевди шаардык милиция кыска мөөнөткө кармап, чыгарышты.
Маалыматка ылайык, 8-июнда өтө турчу «Коррупцияга каршы реалдуу күрөш» митингине катышууга үндөгөн плакаттарды кармап, Ош базарынын айланасында кетип бараткан жарандык активисттерди Биринчи Май районунун №5 бөлүмүнө алып келишкен.
Флешмобдун катышуучусу А. Жамгырчиев алар тарабынан эч кандай коомдук тартип же мыйзам бузуу болгон эместигин айтып, түшүнүк кат жаздырышып, кайра кое беришкенин кошумчалаган.
