Жалал-Абад облусунун Ала-Бука районунун прокуратурасы тарабынан жүргүзүлгөн текшерүүнүн жыйынтыгы менен Көк-Таш жана Ала-Бука айыл өкмөттөрүнүн кызмат адамдарына карата кызмат абалынан кыянаттык менен пайдалануу фактылары боюнча кылмыш иштери козголду. Бул тууралуу Башкы прокуратуранын басма сөз кызматынан кабаралашты.
Аталган айыл өкмөттөрдүн кызмат адамдары кызматтык абалынан кыянаттык менен пайдаланып, айыл аймактарындагы парктын, социалдык объектилердин, бала бакчанын, оорукананын, таштанды полигонунун жана жолдордун курулушу аяктаганга чейин эле подрядчылардын эсебине акча которуп жиберишкен.
Натыйжада, жооптуу адамдардын мыйзамсыз аракеттеринен улам мамлекетке жалпысынан 56 млн 107 миң 652 сом материалдык зыян келтирилгендиги такталган. Анын ичинен 11 млн 24 миң 973 сом текшерүү учурунда мамлекетке кайтарылган.
Жогорудагы фактылар боюнча Ала-Бука райондук прокуратурасы тарабынан кылмыш-жаза кодексинин 337-беренеси (кызматтык абалынан кыянаттык менен пайдалануу) менен 10 кылмыш иши козголуп, алардын тергөөсү Ала-Бука райондук ички иштер бөлүмүнө тапшырылды.
Бишкек шаарынын Свердлов райондук муниципалдык администрациясынын кызматкерине карата кылмыш иши козголду. Бул тууралуу Башкы прокуратурадан …
Жалал-Абадда жаңы автобекеттин курулушунда мыйзам бузуулар боюнча эскертүү берилди. Бул тууралуу Курулуш, архитектура жана турак …
Президент Садыр Жапаровдун мурдагы кеңешчиси Жаныбек Кубандыковдун жубайы, Жогорку Кеңештин депутаты Медина Кайрылбекова камакта жаткан …
Мамлекеттик салык кызматынын кызматкерлери Ош жана Жалал-Абад облустарында бир катар мыйзам бузууларды аныкташты. Ведомствонун маалыматына …
Баткен районунда каза болгон жубайлардын өлүмү боюнча кылмыш иши козголду. Бул тууралуу облустук милициядан билдиришти. …
Жалал-Абад облустук милициясынын башчысынын орун басары пара менен кармалды. Бул тууралуу УКМК билдирди. Маалыматта айтылгандай, …
