Бишкек шаардык сотунун чечими менен 24 жаштагы Айза Улан кызын унаасы менен койдуруп кеткен айдоочу үй камагына чыкты.
Сот шектүүнүн жактоочусу соттук-медициналык эспертизанын корутундусун көрсөткөнүн билгиледи.
«25-январда берилген корутунду боюнча шектүүнүн өнөкөт бөйрөк оорусу бар. Ал оор илдеттердин катарына кирет. Мындай учурда өкмөттүн токтому менен шектүүнү камакка алууга болбойт», — деп айтылат маалыматта.
Буга чейин Свердлов райондук соту да шектүүнү үй камагына чыгарган. Ал эми шаардык сот бул чечимди өзгөртүүсүз калтырды.
Маркумдун жакындары жана агасы шектүүгө операция жасалганын жана ал гемодиализге муктаж эмес экенин айтышкан.
Социалдык тармакта да адам өлүмүнө себеп болгон айдоочуга карата соттун «жумшак» чечими сынга алынып жатат.
Эскерте кетсек, 9-январда саат 07:10 чамасында белгисиз айдоочу Жибек Жолу көчөсү менен бара жатып, Республика көчөсүнүн кесилишинен 24 жаштагы жөө жүргүнчүнү сүзүп, окуя болгон жерден качып кеткен. Жөө жүргүнчү Айза Улан кызы окуя болгон жерден көз жумган.
13-ноябрда жөө жүргүнчүнү сүзүп кеткен деп шектелип, «Тойота» унаасынын 48 жаштагы айдоочусу кармалганы кабарланган.
Шайлообек Атазовдун мандат боюнча иши шаардык сотто каралат. Бул тууралуу ал Фейсбуктагы жазды. «Урматтуу мекендештер! …
Бүгүн, 7-февралда Бишкек шаардык соту активист Ырыс Жекшеналиевдин иши боюнча прокурордун апелляциялык арызын карап, Биринчи …
Бүгүн, 5 -февралда Бишкек шаардык соту иликтөөчү журналист Актилек Капаровдун кармалышын мыйзамдуу деп тапты. Капаров …
Бүгүн, 2-февралда Бишкек шаардык соту “Темиров LIVE” редакциясынын мурдагы кызматкери Жумабек Турдалиевди камакта калтыруу чечимин …
28-декабрда Бишкек шаардык соту Кемпир-Абад иши боюнча кармалгандарды абакта калтырды. Бул тууралуу жактоочу Кантемир Турдалиев …
Бүгүн, 13-сентябрда Бишкек шаардык соту жазуучу, публицист Олжобай Шакирдин камакка алынышы боюнча ишти карап, аны …
