Бүгүн, 25-июнда Ак үйдүн алдында «Маалыматты манипуляциялоо жөнүндө» мыйзам долбооруна каршы митинг өтөт. Бул тууралуу FactCheck.kg маалымат порталынын башкы редактору Болот Темиров өздүк баракчасына жазды.
Белгилей кетсек, бүгүн Жогорку Кеңеште «Маалыматты манипуляциялоо жөнүндө» мыйзам долбоору экинчи окууда каралат.
Документте интернет колдонуучулардын, сайт жетекчилеринин, интернет-провайдерлердин укук-милдеттери жазылган. 6-беренесинде интернетке чыккан маалымат жалган болсо, Маданият министрлиги аны сотко чейин эле чектей алат деп көрсөтүлгөн.
Социалдык тармактарда бул мыйзам долбоорун артка чакыртып алуу сунушталууда.
