Аксыда ууланып каза болгондордун өздүгү такталды

Жалал-Абад облусунун Аксы районунда уулануудан 6 адам каза болду. Маалыматты Саламаттык сактоо жана социалдык өнүктүрүү министрлигинен ырасташты.

Маалыматка караганда, ооругандар Аксы аймактык ооруканасына кайрылган. Башында үч адам каза болгону айтылган, азыр бул көрсөткүч алты адамга жеткени маалым болуп, өздүгү такталган.

Алар:

• Ийри-Булуң айылынын 59 жаштагы Н.Т. аттуу тургуну (аял);

• Ийри-Булуң айылынын 62 жаштагы Т.Ш. аттуу жашоочусу (эркек киши);

• Ийри-Булуң айылынын 69 жаштагы А.Р. аттуу жашоочусу (аял);

• Кызарт айылынын 54 жаштагы М.Ч. аттуу жашоочусу (эркек киши);

• Кызарт айылынын 53 жаштагы К.Ж. аттуу жашоочусу (эркек киши);

• Чарба айылынын 54 жаштагы О.Ч. аттуу жашоочусу (эркек киши).

Алдын ала маалымат боюнча, ооруканага кайрылгандар спирт ичимдигинен ууланган. Кара-Суу айыл аймагынын маалыматына ылайык, каза болгондордун баары жергиликтүү тургундар.