Араван-Ак-Буура каналынан эркек кишинин жансыз денеси табылды. Бул тууралуу ӨКМ кабарлады.
Маалыматка ылайык, Ош облусунун Араван районунда 8-август күнү Жаңы-Жол айылында агып өткөн Араван-Ак-Буура каналына 1970-ж.т. Ж.Б. аттуу эркек киши чөгүп кеткен.
Бүгүн издөө иштерин улантуу максатында 19 куткаруучу, ИИМден 40 кызматкер, жергиликтүү тургундардан 9 адам тартылган. Издөө иштеринин натыйжасында саат 11:30да куткаруучулар тарабынан аталган жарандын сөөгү табылып, ИИМ кызматкерлерине өткөрүлүп берилди.