Аскер прокуратурасы «Аскер курулуш» мамлекеттик ишканасынын «Ганси» аймагында жүргүзгөн курулуш иштерин текшерүүдө. Бул мууралуу Башкы прокуратурадан кабарлашты.
Маалыматка ылайык, «Аскер курулуш» мамлекеттик ишканасы мурдагы «Ганси» транзиттик борборунун аймагындагы имараттарды капиталдык оңдоп-түзөө иштерине тартылган жумушчуларга эмгек маянасын жана курулушка жумшалган товарлардын акчасын бербей жаткан.
«Кыргыз Республикасынын Коргоо иштери боюнча мамлекеттик комитетине караштуу Бишкек турак-жай пайдалануу бөлүмү менен «Аскер курулуш» мамлекеттик ишканасынын ортосунда мурдагы «Ганси» транзиттик борборунун аймагындагы имараттарды коронавирус илдетине чалдыккан жарандарга медициналык жардам көрсөтүүгө ылайыктап капиталдык оңдоп-түзөө иштерин жүргүзүү үчүн жалпы суммасы 42 980 000 сомго келишим түзүлүп, азыркы күнгө карата Бишкек турак-жай пайдалануу бөлүмү аткарган иштери үчүн «Аскер курулуш» мамлекеттик ишканасына 39 700 675 сом которгон.
Алдын ала алынган маалыматтарга ылайык «Аскер курулуш» мамлекеттик ишканасы тарабынан курулуш материалдарын тапшырган субподрядчиктерге жана жумушчулардын айлык маянасы үчүн карызы 7 000 000 сомдон ашык сумманы түзөт. Азыркы учурда Аскер прокуратурасы тарабынан бул жаатта текшерүү жүргүзүлүүдө жана мыйзам бузуулар аныкталса тийиштүү прокурордук чаралар көрүлөт», — деп айтылат маалыматта.
Аскер прокуратурасы аскердик радиолокациялык станциянын баалуу металдарын сатып жиберген жетекчини камакка алды. Бул тууралуу Башкы …
Мурунку премьер-министр Темир Сариев Аскер прокуратурасында суракка алынды. Бул тууралуу айрым маалымат каражаттары өздүк булактарына …
Аскер прокуратурасы 20,3 млн сомдук зыянды мамлекетке кайтарды. Бул тууралуу Башкы прокуратуранын басма сөз кызматынан …
Экс-депутат Алмамбет Шыкмаматовго аскердик прокуратура тарабынан кылмыш иши козголду. Бул тууралуу саясатчы «Марал» радиосундагы түз …
“Азия ньюс” гезитинин башкы редактору Аслан Сартбаев бүгүн, 15-январда Аскер прокуратурасына 11.00дөн 16.00гө чейин күбө катарында сурак …
«Азия ньюс» гезитинин башкы редактору Аслан Сартбаев бүгүн, 15-январда Аскер прокуратурасына суракка чакыртылды. Бул тууралуу жарандык активист Адил …
