Мурдагы президент Алмазбек Атамбаев жергиликтүү кеңешке болгон шайлоого жана референдумга добуш берди.
Юстиция министрлигинин басма сөз кызматы билдиргендей, Атамбаев жарандык милдетин 10-апрелде кармалган жерде (Жаза аткаруу мамлекеттик кызматынын №47 түзөтүү колониясында) мөөнөтүнөн мурда аткарган.
Кыргызстанда бүгүн, 11-апрелде 448 кеңештин, анын ичинде 28 шаардык жана 420 айылдык кеңештин депутаттары шайланат. Шайлоо менен кошо президенттик башкарууга багытталган Конституциянын жаңы долбоору референдумга коюлду.