Мурдагы президент Алмазбек Атамбаевди №47 абактан УКМКнын тергөө абагына которгону жатат. Бул тууралуу жактоочусу Замир Жоошев Фейсбуктагы өздүк баракчасы аркылуу билдирди.
«Алмазбек Атамбаевдин ден соолугу жакшы эмес. Ага карабай аны УКМКнын тергөө абагына которгону жатат. №47 абактан шарты начар жакка которуу туура эмес»,-деди Жоошев.
Ал эми Жазаларды аткаруу мамлекеттик кызматы бул боюнча расмий маалымат тарата элек.
Белгилей кетсек, мурдагы президент Атамбаев УКМКнын тергөө абагынан №1 тергөө абагына которулган. Буга байланыштуу мурдагы президент ачкачылык жарыялап, Бишкектеги №47 абакка которулган.