Мурдагы президент Алмазбек Атамбаевдин жансакчысы, Улуттук коопсуздук мамлекеттик комитетинин 9-кызматынын мурдагы кызматкери Канат Сагынбаев үй камагына чыгарылды. Бул тууралуу анын жактоочусу Замир Жоошев билдирди.
Маалыматка ылайык, Бишкектин Биринчи май райондук соту 5-декабрда ушундай чечим кабыл алган. Ал эми Фарид Ниязов камакта калды.
Фарид Ниязов жана Канат Сагынбаев 2019-жылдын август айында Чүйдүн Кой-Таш айылында Алмазбек Атамбаевди кармоо операциясындагы башаламандыкка айыпталып кармалышкан.