Жалал-Абад облусунун Ноокен районундагы күзөт кызматкеринин өлүмү боюнча кызматтык иликтөө башталды. Бул тууралуу Govori.TVга ИИМдин басма сөз кызматынан билдиришти.
Маалыматка ылайык, 1999-жылы туулган кызматкер өзүн-өзү атып алган.
«Маркум 2020-жылдан бери кызмат өтөп келген. ИИМдин Күзөт кызматы тарабынан себептерин тактоо боюнча кызматтык иликтөө башталды»,-деп билдиришти ИИМден.
Буга чейин Kaktus.media күч түзүмдөрүндөгү өздүк булактарына таянып, Ноокен районунда күзөт кызматкери өзүн атып алганын жазып чыккан.