Аялына мыкаачылык мамиле жасап, жанындагы аял кишиге видеого тарттырган киши убактылуу кармоочу жайга камакка алынды.
Камактагы киши эки колу жип менен байланып, ичине таш салынган 2 дөңгөлөк мойнуна илинген аялды бетке чапкылап, андан кийин эски темир чакадагы сууну чачкан. Бул окуя Жалал-Абад облусунун Сузак районуна караштуу Бек-Абад айылында болгонун ОИИБдин басма сөз кызматы тастыктады. Окуяны видеого тартып жаткан аял «аке, чачпа, чаппа» деп суранып жатканы угулат. Бирок ага кулак салбаган киши мыкаачылыгын уланта берген.
Тасма милиция кызматкерлеринин колуна тиери менен териштирүү иштерин башташкан. Учурда соттук-медициналык экспертиза дайындалды. Кечээ, 11-июнда соттун чечими менен аялды кордогон киши Сузак РИИБдин убактылуу кармоочу жайына киргизилген.
Окуя 8-июнда саат 11:00 чамасында жубайлар жашаган үйдө болгон. Жабырлануучу аял арыз менен милиция кызматкерлерине 11-июнда кайрылган. Видеодогу эркек киши (күйөөсү) 51 жашта, аялы 47 жашта.
Окуянын чоо-жайы такталып жатат.
Булак: turmush.kg
ИИМдин Кылмыш иликтөө башкы башкармалыгынын кызматкерлери тарабынан мындан 9 жыл мурун жасалган өзгөчө оор кылмыштын бети …
Жалал-Абадда «Элге багытталган адилеттүүлүк» аттуу улуттук форуму башталды. Бүгүн форумдун биринчи күнү өтүп жатат. Анда …
Жалал-Абад облусунда нөшөрлөгөн жамгырдын кесепетинен турак үйлөрдүн короолорун суу каптады. Бул тууралуу ӨКМ кабарлады. Маалыматка …
34 жаштагы Рахима Айкымбаева 4-апрелге караган түнү бир нече жеринен бычакталганы маалым болду. Кылмышка шек …
Жалал-Абад электр тармактар ишканасына 4 жаңы имарат курулат. Бул тууралуу Энергетика министрлигинин маалымат кызматы кабарлады. …
Буга чейин милиция тарабынан изделип жаткан Базар-Коргон районунун тургуну үч баласы менен Бишкектен табылды. Бул …
