Бишкек.18.03.2019.Govori.TV.
Баткен облусундагы кыргыз-тажик мамлекеттик чек арасындагы кырдаалды жөнгө салуу боюнча протоколго кол коюлду. Документке Кыргыз Республикасынын вице-премьер-министри Жеңиш Разаков жана Тажикстан Республикасынын Премьер-министринин орун басары Азим Иброхим кол коюшту.
Тажикстандын Премьер-министринин орун басары Азим Иброхим бул сыяктуу чек ара маселесин коомчулукка жеткирүү абдан кылдат мамилени талап кылаарын белгиледи.
«Бугун протоколго кол койдук. Жана эң негизгиси маселе катары бул жаңжалдын күнөөкөрлөрүн табуу маселесин укук коргоо органдарына тапшырдык. Себеби адамдар көз жумду, жабыркагандар бар. Ал эми жолдор ар дайым эки тараптын тең бирдей көзөмөлүндө болмокчу. Эч кандай өтмөктөр болбойт. Ворухтагы курулуп жаткан жол мурдагы режимде толук калыбына келтирилет»,-деди Азим Иброхим.
Эске салсак, 13-14-мартта Кыргызстандын Ак-Сай жана Тажикстандын Мехнатабад айылдарынын тургундарынын ортосунда чатак чыккан. Анын натыйжасында бир нече адам жабыр тарткан. Тажикстандын Чек ара кызматы жаңжалда эки тажик жараны өлгөнүн, бир нече адам жабыр тартканын кабарлады. Ал эми кыргыз тараптан эки адамга ок тийген.
Жаңжалдан кийин тажик жарандары Ош-Баткен-Исфана жолун, ал эми кыргызстандыктар Тажикстандын Исфара району менен Ворух анклавына кеткен жолду жаап коюшкан.
Чырдын чыгышына Аксай-Тамдык жолунун курулуш себеп болгону айтылган. Эки өлкөнүн расмий өкүлдөрү 14-марттан бери Ак-Сай айылынын Дача участкасында сүйлөшүүлөрдү жүргүзүп, бүгүн чечим кабыл алынды.
9-10-11-декабрь күндөрү “GOVORI.TV” мультимедиалык маалыматтык агенттиги медиа айдыңындагы “Кыйын” телевизиондук ток-шоусунун алкагында сегизинчи окутуу иш-чарасын …
Govori.TV медиа рынокто 5 жыл! Интернет телеканал бейтараптуулукту карманганы үчүн бааланат. 5 жыл аралыгында Govori.TV …
Президент Садыр Жапаров “2022-жылдын 14–17-сентябрында Баткен облусунда болгон куралдуу кагылышуунун кесепетинен жабыр тарткан Баткен облусунун …
Кыргызстан менен Тажикстандын УКМК башчылары кол койгон протокол чек араны делимитациялоо жана демаркациялоо процесси аяктаганга …
ЖАПАРОВ БУУДА СӨЗ СҮЙЛӨДҮ Кыргыз Республикасынын Президенти Садыр Жапаров 20-сентябрда Нью-Йорк шаарындагы (АКШ) Бириккен Улуттар …
Тажик тараптан кол салгандардын арасында афган жарандары, экстремисттер болгон. Бул туурасында Коопсуздук кеңешинин катчысы Марат …
