БШК партиялардын документин тактап, шайлоого катышууга расмий уруксат берүү жараянын бүгүн, 3-сентябрда аякташы керек. 4-сентябрда үгүт башталат.
Шаршемби күнү төрт партиянын саясий жарышка катышуусуна уруксат берилди.
Алар «Ооганстан согушунун ардагерлери жана ушул сыяктуу кагышууларга катышкандардын саясий партиясы», “Бир Бол”, «Замандаш», “Ата-Мекен” партиялары.
Шайлоого катышууга 17 партия 24-августта документ тапшырган. Эреже бузган деген негизде документтери артка кайтарылган «Кыргызстан» сотто БШКны утуп алган.
120 мандаттуу Жогорку Кеңешке шайлоо 4-октябрга белгиленген.
