Бишкектеги мамлекеттик жана менчик бала бакчалардын тарбиячылары толугу менен коронавируска анализ тапшырат. Бул тууралуу бүгүн, 4-июнда брифинг учурунда вице-мэр Татьяна Кузнецова билдирди.
Анын айтымында, мэриянын сунушун Республикалык штаб колдогон.
«Ар бир ата-эне балдарын коопсуз жакка жиберип жатканына ишениши керек. Ата-энелердин өзүнөн дагы үйдө тазалыкты сактап, балдарга маска алып беришин өтүнөбүз. Өзгөчө кырдаалда гигиенаны сактайлы», — деди вице-мэр.
Белгилей кетсек, Кыргызстанда мектепке чейинки билим берүү мекемелери эртең, 5-июндан тарта иштеп баштайт.