• Бейшемби 26 Бугу 2022
  • Четверг 26 Май 2022

Башкы прокурор: “Текебаевдин иши кылдат каралып жатат”

29 мая 2018 в 11:50 Бишкек Govori.TV
Бишкек. 29. 05. 2018. Govori.TV

Башкы прокуратура учурда абакта жаткан башкы «атамекенчи» Өмүрбек Текебаевдин иши боюнча арызды карап жатат. Бул тууралуу Башкы прокурор Өткүрбек Жамшитов бүгүн конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин регламенти боюнча комитеттин жыйынында билдирди.

“Өмүрбек Текебаевдин ишиндеги жаңы жагдайлар боюнча арыз бизге келип түшкөн. Баары кылдат каралып жатат. Жыйынтыгы боюнча маалымат берилет”,- деди Башкы прокурор.

Белгилей кетсек, ушу тапта Башкы көзөмөл органынын башчысы Өткүрбек Жамшитов парламенттин тармактын комитетинде отчет берип жатат. Ал бул кызматта 24-апрелден баштап иштей баштаган.

Эске салсак, саясатчылар Текебаев менен Чотоновдун иши боюнча жаңы жагдайлар жаралгандыктан, ишти кайра кароо өтүнүчү менен адвокаттар Башкы прокуратурага 22-майда арыз беришкен. Мыйзамга ылайык, Башкы прокуратура ишти 10-15 күндө карап чыгышы керектиги айтылат.

 

Количество просмотров: 6