Бишкектеги маалымат жыйында өзгөчө кырдаалдар министринин орун басары Урматбек Шамырканов кыйын учурдан пайдаланып шылуундар пайда болуп жатканын эскертти.
“Чогултуу иштерди “Баткенге көмөк” штабы аткарат. Бир жерге чогултуу керек экендигин айтып жаткандыгыбыздын себеби баары катталышы зарыл. Анткени, максаттуу пайдалануу жана жеткирүүнү камсыздашыбыз кажет. Экинчиден шылуундар да пайда болуп жатат. Ошондуктан баары бирдиктүү болушу керек”, — деди ал.
Ошондой эле Шамырканов Баткенде жабыркаган элге колдоо көрсөтүү максатында 900 тоннадай гуманитардык жардам чогултулганын кошумчалады.
Анын айтымында, учурда чогулган жардамдын болжолдуу салмагы 572 тонна 931 килограмм.
«Анын 515 тонна 81 килограммы жер-жерлерге жеткирилип жатат. Кампада 116,65 тонна сактоодо турат. Ошондой эле жарандар тарабынан жабыркаган аймактарга түз жеткирилген гумжардамдын болжолдуу салмагы 359 тоннага жетти. ӨКМ тарабынан жеткирүү иштерине 120 өздүк курам жана 17 бирдик техника тартылган. Кечээ, 3-майда Ысык-Көлдөн 7 фура чыгып кеткен. Учурда фуралар Таш-Көмүр шаарынан өтүп бара жатат. Ал да биздин көзөмөлдө», — дейт ал.
Эске салсак,, 28-апрелде Баткен районунун Көк-Таш айылындагы суу бөлүштүрүүчү жайга Тажикстандын жарандары видеокөзөмөл орното баштаган. Ага кыргызстандыктар каршы чыгышкан, көп өтпөй эки элдин жарандары бири-бирине таш ыргытуудан абал курчуп кеткен. Акыркы маалыматтарга караганда, кыргыз-тажик чек арасындагы чырдан жалпы 189 адам жабыркап, алардын 36сы набыт болгон. Өзгөчө кырдаалдар министрлигинен билдиришкендей, Баткен аймагында жалпы 120 турак үй, 2 мектеп, 1 ФАП, 1 бала бакча, 1 ИИМ имараты, 4 чек ара заставасы, 1 медициналык борбор, 1 тиш оңдоочу бөлүм, 2 даарыкана, 1 өрт өчүрүүчү бөлүм, 27 май куюучу жай, 34 соода түйүнү, 5 ашкана жана 3 тойкана күйгөн жана жабыркаган.
Суу ташкынынан жабыркаган коңшу Казакстанга Кыргызстан жөнөткөн гуманитардык жардам жетти. Бул тууралуу Өзгөчө кырдаалдар министрлигинин …
Кыргызстан Казакстанга гуманитардык жардам жөнөтөт. Бул тууралуу Жогорку Кеңештин 4-апрелдеги жыйынында министрлер кабинетинин төрагасы Акылбек …
Баткен облусуна караштуу Суу-Башы, Кыштут айыл өкмөтүндө өзгөчө кырдаал режими жарыяланды. Бул тууралуу Өзгөчө кырдаалдар …
Бүгүн 24-майда кыргыз-тажик чек арасында КРнын Президентинин Баткен облусундагы ыйгарым укуктуу өкүлү Абдикарим Алимбаев жана …
Социалдык тармактарда Баткендеги өрүкзардын асмандан тартылган сүрөттөрү жарыяланды. Анда гүлдөгөн өрүк бактарынын ажайып кооздугун көрүүгө …
Баткен облусунда «Оперативдүү» бажысынын кызматкерлери салмагы дээрлик 3 тоннаны түзгөн лимонду аткезчилик жол менен ташып …
