Ооруканадан сырткары пневмония жуктуруп алган (COVID-19 тастыкталбаган) стационардагы бейтаптардын саны – 1724. Бул тууралуу бүгүн, 3-июлда эртең мененки онлайн маалымат жыйында коомдук саламаттыкты сактоо башкармалыгынын башчысы Айнура Акматова билдирди.
Анын айтымында, реанимацияда – 112, оор абалдагылар 337 адам.
Бир сутка ичинде пневмониядан каза болгондор — 23. Жалпы каза болгондордун саны – 120 адам.
Бардыгы – 2508, алардын ичинен айыккандар – 664 адам.
