Бир жумада 23 миңден ашуун жол эрежесин бузуу фактысы катталды

Кыргызстанда бир жума ичинде 23 миң 218 жол эрежесин бузуу фактысы катталды. Бул тууралуу Жол кыймылынын коопсуздугун камсыздоо башкы башкармалыгы кабарлады.

923 автоунаа ар кандай жол эрежелерин бузгандыгы үчүн убактылуу айып короосуна киргизилген.

• тийиштүү документтери жок автоунаа башкаруу – 239;
• мас абалында унаа башкаруу – 97;
• автоунаанын терезелерин мыйзамсыз караңгылатуу – 40;
• жөө жүргүнчүлөр катышкан жол эреже бузуулар – 948;
• транспорт каражаттарынын эксплуатациялоо эрежелерин бузуу – 3 640;
• автоээнбаштык – 5;
• белгиленген ылдамдыктан ашуу – 4 629;
• жалган мамлекеттик номуру менен унаа башкаруу – 3;
• башка жол эрежелерин бузуу фактылары – 13 617.

ЖКККББ айдоочуларды жол кыймылынын коопсуздук эрежелерин так сактоого чакырат.