Бул аралыкта кандай орчундуу иштерди жасалды? Өлкө башчы бир катар өлкөлөргө иш-сапары менен барды. Алгач Сооронбай Жээнбеков менен Нурсултан Назарбаевдин Минск шаарында ЖККУнун кезектеги жыйынында жолугуп, кыргыз-казак чек арасындагы маселени жөнгө салды.
2017-жылы декабрда биринчи жолу Өзбекстанга расмий сапар менен барды. Анда Өзбекстандын президенти Шавкат Мирзиёев менен бир топ маселени чечип, тиешелүү иш-кагаздарга кол коюшкан. Жай айында Жээнбеков алгачкы жолу эс алууга чыгып, Ысык-Көлдөө барган. Көл жээгиндеги сүрөттөрү коомчулукта талкуу жаратты. 2-сентябрда 3-Дүйнөлүк Көчмөндөр оюндары өтүп, анда Президент көптөгөн өлкөнүн президенттерин коноко чакырган. Ошондой эле, Америкага жубайы менен барып, Бириккен Улуттар Уюмунун 73-сессиясына катышып, сөз сүйлөгөн.