Бишкек – Балыкчы поезд каттамы убактылуу токтотулду. Бул тууралуу “Кыргыз темир жолу” мамлекеттик ишканасынын басма сөз кызматы кабарлады.
Маалыматка ылайык, Боом капчыгайында орун алган селге байланыштуу Бишкек-2 – Балыкчы каттамын 10-августка чейин убактылуу токтотуу чечими кабыл алынган. Учурда жолду тазалоо жана калыбына келтирүү иштери уланууда.
«Каттам кайрадан ишке киргизилүүсү боюнча кошумча маалымат берилет»,-деп айтылат маалыматта.
“Кыргыз темир жолу” мамлекеттик ишканасы келтирилген ыңгайсыздыктар үчүн кечирим сурайт.