Бишкек шаарында маршрутканын жүргүнчүсү каза болду. Бул тууралуу маалымат социалдык тармактарга жарыяланды. Маалыматты Ыкчам медицина борборунун директорунун орун басары Егор Борисов тастыктады.
Маалым болгондой, бүгүн, 10-августта №111 кичи автобуста бараткан жүргүнчү өзүн жаман сезип, эс -учун жоготкон. Кичи автобус Чүй проспектисиндеги аялдамадан алыс эмес жерде токтогон.
«Тез жардам кызматына» чакыруу саат 8:50дө түшүп, бригада 9:10до жерине барган. Анда медиктер кишинин каза болуп калганын аныктаган, бирок азырынча себеби белгисиз. Маркумдун ким экени дагы тактала элек.
Алдын ала маалымат боюнча, ал 30 жашта болчу