Бишкек -Ош жолунда жүк ташуучу унааларга коюлган чектөө алынды. Бул тууралуу Өзгөчө кырдаалдар министрлигинин басма сөз кызматы билдирди.
Унаа жолдун 80-чакырымында жайгашкан Сосновка постунда 3-январда саат 18:30дан тарта жүк ташуучу унааларга, 4-январда саат 11:20дан тарта мунай зат ташуучу унааларга коюлган чектөө алынды.
Азыркы учурда унаалардын бардык түрүнө жол ачык.
Суусамыр өрөөнүндө жана Төө-Ашууда күн бүркөк, кар, жаан жок. Унаалар эки тараптуу өтүүдө. Жолго кум, шагыл себүү иштери жүргүзүлүүдө. Бишкек-Ош унаа жолунун 129-чакырымында 127-УРАЛ унаасы нөөмөттө турганы кабарланды.
Аба ырайынын кескин түрдө өзгөргөндүгүнө байланыштуу Бишкек-Ош унаа жолунда оор жүк ташуучу унааларга чектөө киргизилди. …
