Бишкек-Ош жолундагы туннелден өткөн унааларга төлөмдүн баасы өзгөрдү

Бишкек-Ош унаа жолундагы туннелдер аркылуу унаалардын өтүүсүнө төлөмдүн тарифтери өзгөртүлдү. Бул тууралуу Транспорт жана коммуникациялар министрлигинен билдиришти.

Маалыматка ылайык, КР министрлер кабинетинин «Бишкек — Ош унаажолундагы тоннелдер аркылуу транспорт каражаттарын өткөрүү үчүн жыйымды төлөөнүн өлчөмү жана тартиби» токтомунун негизинде Бишкек — Ош унаа жолундагы туннелдер аркылуу транспорт каражаттарын өткөрүү үчүн жыйымдын өлчөмү өзгөртүлдү.

Ошентип, 2024-жылдын 1-январынан тарта «Сосновка» жана «Кара-Көл» көзөмөл-өткөрүү пункттарында транспорт каражаттарынын өтүүсү үчүн төлөмдөр өзгөртүлгөн тарифтер боюнча алынат.

• жүргүнчүлөрдү ташуу үчүн пайдаланылуучу жана айдоочунун ордунан тышкары отуруу үчүн 8ден ашпаган оруну бар транспорт каражаттары – жеңил транспорт каражаттары: ата-мекендик – 50 сом, чет өлкөлүк жана транзиттик – 200 сом;
• жүргүнчүлөрдү ташуу үчүн пайдаланылуучу жана айдоочунун ордунан тышкары отуруу үчүн 8ден ашык оруну бар жана техникалык жактан жол берилген максималдуу массасы 5 т. ашпаган транспорт каражаттары: ата-мекендик – 100 сом, чет өлкөлүк жана транзиттик – 1000 сом;
• жүктөрдү ташуу үчүн арналган жана техникалык жактан жол берилген максималдуу массасы 3,5 т ашпаган транспорт каражаттары. Дөнгөлөктүү тракторлор: ата-мекендик – 100 сом, чет өлкөлүк жана транзиттик – 1000 сом;
• жүргүнчүлөрдү ташуу учун пайдаланылуучу жана айдоочунун ордунан тышкары отуруу үчүн 8ден ашык оруну бар жана техникалык жактан жол берилген максималдуу массасы 5 т. ашкан транспорт каражаттары: ата-мекендик – 150 сом, чет өлкөлүк жана транзиттик – 1500 сом;
• жүктөрдү ташуу үчүн арналган жана техникалык жактан жол берилген максималдуу массасы 3,5 т ашкан, бирок 12 т ашпаган транспорт каражаттары: ата-мекендик – 150 сом, чет өлкөлүк жана транзиттик – 1500 сом;
• жүктөрдү ташуу үчүн арналган жана техникалык жактан жол берилген максималдуу массасы 12 т ашкан транспорт каражаттары: ата-мекендик – 250 сом, чет өлкөлүк жана транзиттик – 3000 сом;
• жүктөрдү ташуу үчүн арналган жана техникалык жактан жол берилген максималдуу массасы 12 т ашкан транспорт каражаттары. Техникалык жактан жол берилген максималдуу массасы 3,5 т жогору, бирок 10 т ашпагап чиркегичтер: ата-мекендик – 300 сом, чет өлкөлүк жана транзиттик – 5000 сом;
• максималдуу эсептик ылдамдыгы 40 км/сааттан ашпаган, олуттуу өлчөмдөрү менен мүнөздөлгөн жана чоң айыл чарба аянттарын иштетүү үчүн атайын арналган жазысы кең тракторлор (комбайндар): ата-мекендик – 300 сом, чет өлкөлүк жана транзиттик – 5000 сом;
• жүктордү ташуу үчүн арналган жана техникалык жактан жол берилген максималдуу массасы 10 т ашкан чиркегичтер: ата-мекендик – 300 сом, чет өлкөлүк жана транзиттик – 5000 сом;

Подписаться:

Тема боюнча

Каракол – Эңилчек унаа жолунун бир тилкеси кар көчкүдөн тазаланып, каттам ачылды 

Ысык-Көл облусунун Каракол – Эңилчек унаа жолунун бир тилкеси кар көчкүдөн тазаланып, эки тараптуу каттам …

Кененирээк

Ош—Сары-Таш—Эркечтам унаа жолу таштандыдан тазаланды 

Ош—Сары-Таш—Эркечтам унаа жолу таштандыдан тазаланып, жолдун тайгак тилкелерине инерттик материалдар чачылды. Бул тууралуу Транспорт жана …

Кененирээк

Жер титирөөдөн улам Бишкек – Нарын – Торугарт унаа жолуна таштар кулады

Жер титирөөдөн улам Бишкек – Нарын – Торугарт унаа жолунун 410-чакырымында тоо боорунан топурак, таштар …

Кененирээк

Боомдо кооптуу таштарды түшүрүү иштери жүргүзүлүүдө

Боом капчыгайында таштарды кулатуу иштери жүрүп, жол маал-маалы менен жабылууда. Бул тууралуу «Кыргыз темир жолу» …

Кененирээк

Айдоочуларга эскертүү. Өлкөнүн ашууларындагы жолдордун абалы…

«Кыргызавтожол» мамлекеттик ишканасы өлкөнүн ашууларындагы жолдордун абалы тууралуу маалымат берди. Маалыматка ылайык, Бишкек-Ош унаа жолунун Төө-Ашуу …

Кененирээк

Зардалыга кетчү жалгыз унаа жолу ачылды

Зардалыга кете турчу жалгыз автоунаа жолу ачылды. Бул тууралуу Транспорт жана коммуникациялар министрлиги кабарлады. “Кыргызавтожол” …

Кененирээк