Бишкекте эки кыздын бөйрөксүз сөөгү табылды деген «фейк» аккаунттун жалган маалыматы коомчулукту дүрбөлөңгө салды
Бишкекте эки кыздын бөйрөксүз сөөгү табылды деген «фейк» аккаунттун жалган маалыматы коомчулукту дүрбөлөңгө салды
13 Аяк оона 2018 18:58 Бишкек Govori.TV
Бишкек. 13.09.2018.Govori.TV.
Учурда социалдык тармакта тарап жаткан, борбор калаада эки кыздын бөйрөксүз сөөгү табылды деген билдирүү — фейк аккаунттун маалыматы. Бул туурасында Ички иштер министрлигинин маалымат кызматынан кабарлашты.
Анда Кыргызстанда жок айыл туурасында айтылып жатканы менен Бишкекте ата-энелер катуу талкууга алууда.
Ал спам-кабар Whatsapp-топтордо таркап, анда:
«6-8 жаштагы эки кыздын бөйрөксүз сөөгүн жолдун четинен табышкан. Ар бири колуна 50 миң рублден кармаган тейде жатыптыр. Балдарыңарды жакшылап карагылачы, көчөгө жалгыз-жарым чыгарбагыла», — деп айтылган.
Билдирүүгө аудио тиркелип, анда эркектин үнү бул маалымат тартип коргоо органдарынан түшкөн деп жатканын угууга болот
Ички иштер министрлиги таратылган бул кабардын Кыргызстанга тиешеси жоктугун айтты.