Бишкекте унаа айдап качууга шектелген 2001-жылы туулган О.Ж. аттуу кыз кармалды. Бул тууралуу Жол кыймылынын коопсуздугун камсыздоо башкармалыгынан билдиришти.
Маалыматка караганда, 7-апрель күнү саат 08:45те ЖЭБдин жанында токтоп турган “Тойота Харриер” үлгүсүндөгү унаа уурдалгандыгы тууралуу маалымат түшкөн.
«Ыкчам иликтөө иштеринин алкагында мас абалында унаа айдап бара жаткан шектүү кармалды», — деп айтылат маалыматта.
Кыз Свердлов РИИБдин тергөө кызматына өткөрүлүп берилди.